Алматыдағы Махатма Ганди атындағы саябақта бейбіт шеру өткізуге рұқсат берілді. Бұл туралы қалалық мәслихаттың өкілдері мәлімдеді. Айта кетейік, бұл - Алматыдағы пикет өткізуге рұқсат берілген екінші жер. Бұған дейін алматылық белсенділер «Сарыарқа» кинотеатрының маңына жиналатын. Депуттаттардың айтуынша, шеру өткізуге алдын ала рұқсат алу керек. Тек ұлтаралық араздық тудыратын тақырыптарға шектеу қойылған.
