Хайп қуған телевизиялық бағдарламалар мен мақалалардың дәурені өтеді. Халыққа саяси-экономикалық тақырыптағы материалдар қызық бола түседі. Мұндай пікір «қазақ тілді Бұқаралық ақпараттық құралдардың дамуы» турасында өткен форумда айтылды. Сарапшылардың пікірінше қазіргі таңда мемлекеттік тапсырыстар журналистиканы құрдымға жіберіп жатыр. Сол үшін телеарнада ойыңды ашық білдіретін ток-шоулар санын көбейтіп, сайттарда қоғамды алаңдататын мәселе көтерілуі қажет. Осы тұрғыда қазақ тілді сапалы материалдарға сұраныс артып келе жатқандығы сөз болды.
