Үкіметтік делегация ресейлік вакцинаны сатып алу мәселесін талқылау үшін Мәскеуге барады. Сапар тамыз айының екінші жартысына жоспарланған. Бұл туралы Қасым-Жомарт Тоқаев Владимир Путинге жолдаған жеделхатта жазды. Бұған қоса, Мемлекет басшысы Ресей Президентін COVID-19 індетіне қарсы әлемдегі ең бірінші вакцинаның тіркелуіне орай құттықтап, бұл оқиға Ресей ғылымының жоғары әлеуеті мен беделін нақтылай түскенін атап өтті. Сондай-ақ, ресми Мәскеудің індетпен күресуде Қазақстанға көрсеткен көмегін жоғары бағалады.
