15 сәуірден бастап Air Astana компаниясы рейстер кестесіне уақытша өзгерістер енгізеді, деп хабарлайды inbusiness.kz сайты.
"Air Astana 15 сәуір мен 31 мамыр аралығында Астана әуежайындағы ұшу-қону жолағының сағат 10:00-ден 18:00-ге дейін жоспарлы түрде жабылуына байланысты рейстер кестесіне уақытша өзгерістер енгізілетінін хабарлайды. Өзгерістер Астанадан Алматы, Қостанай, Өскемен, Атырау және Ақтөбе бағыттарына, сондай-ақ Астанадан Сеул, Франкфурт, Бейжің, Ташкент, Дубай, Фукуок, Нячанг және Ыстанбұл бағыттарына орындалатын тұрақты рейстерге әсер етеді", – делінген әуе компания таратқан хабарламада.
Өзгерістерге ұшыраған рейстердің жолаушылары брондау кезінде көрсетілген байланыс деректері арқылы хабардар етілуде.
Айта кету керек, бұған дейін Астана мен Шымкент әуежайларында рейстер кестесі өзгеретінін жазғанбыз.
