Ақмола облысында жеткізуші сауда желілеріне сүт өнімдерінің бағасын 45% үстемемен өткізген, деп жазады inbusiness.kz Қаржылық мониторинг агенттігіне сілтеме жасап.
"Жеткізуші – жеке кәсіпкер ауыл шаруашылығы өнімдерін өткізу кезінде тауар үстемесін асырып жіберген. Майлылығы 2,5% жұмсақ қаптамадағы айранның 1 литрі – 310 теңге, ал жеткізуші 450 теңге деп көрсеткен. Сауда үстемесі – 45,2%", - делінген хабарламада.
Сондай-ақ жеке кәсіпкер майлылығы 5 пайыздық сүзбені сауда желілеріне 1 560 теңгеден өткізген. Ал өзі өндірушіден 1 300 теңгеден сатып алған. Сауда үстемесі – 20%.
Ақмола облысы бойынша делдалдық схемаларды тергеп-тексеру жөніндегі комиссияның қарауына үстемеақыдан асып кету фактісі бойынша материалдар жіберілді.
Сонымен қатар, жеткізуші өнімге сауда үстемесін 15%-ға дейін төмендететінін хабарлады.
