"Осы жағдайлардың 17-сі табиғи газдан улану. Салдарынан 36 адам зардап шекті. Оның ішінде 22 бала. Өкініштісі 3 адам қаза тапты. Тағы 11 газ-ауа қоспасының жарылуы сынды жағдайлар орын алды. 6 адам зардап шекті. Жүргізілген талдауға сәйкес, өрттің, жарылыстың және адамдардың улы газбен улануының 60%-ы адамдардың жылыту құралдарын, газ жабдығын пайдалану кезінде өздерінің немқұрайлылықпен қарағанынан болғанын көрсетті. Тұрғындар мұржаларды бақыламайды, оны дұрыс қоспайды. Сондықтан оның тұтастығы бұзылады. Тұрғындар газ плиталарын қараусыз қалдырған жағдайлар болды", – деді спикер.
Жазатайым оқиғалардың тағы 40%-ы газдың шығуы, резеңке түтіктің тозуы, газ баллондарының дұрыс сақталмауы салдарынан орын алған.
"Алматыда бүгінде қатты отынмен жылытылатын 1 646 үй, 13 көппәтерлі тұрғын үй бар. Сондай-ақ тұрмыста газ баллондарын қолданатын 312 көппәтерлі тұрғын үй бар. Бұл негізінен қазіргі уақытта тұрғындар жекешелендірген бұрынғы жатақханалар", – деді Александр Рау.
