"1932 жылы құрылған алғашқы отандық авариялық-құтқару қызметтерінің құқықтық мұрагері болып табылатын жекешелендірілген "Кәсіби әскерилендірілген авариялық-құтқару қызметі" мемлекеттік кәсіпорнын мемлекеттік меншікке қайтару туралы мәселені қарауды сұраймыз", – деді сенатор Сергей Ершов.
Ол елдегі қауіпті өндірістік объектілердегі апаттардың алдын алу және жою жөніндегі жалғыз мемлекеттік қызмет 2018 жылы өзінің баланстық құнынан екі есе төмен жекешелендірілгенін еске салды.
"Өкінішке қарай аталған кәсіпорын жекешелендірілген соң мемлекет мамандандырылған қызметтен айырылды", – деп атап өтті сенатор.
Оның айтуынша, бүгінде Үкіметте экономиканы монополиясыздандыру, атап айтқанда, ерте негізсіз жекешелендірілген объектілерді мемлекеттік меншікке беру жөніндегі арнайы комиссия құрылды.
