Астанада 27 мың тонна азық-түлік қоры қалыптасты. Бұл туралы Орталық коммуникациялар қызметінің брифингінде "Астана қаласы Инвестициялар және кәсіпкерлікті дамыту басқармасы" мемлекеттік мекемесі басшысының орынбасары Мақсат Жанабаев мәлімдеді, деп хабарлайды inbusiness.kz сайты.
"Әлеуметтік маңызы бар азық-түлік тауарларының бағаларын тұрақтандырудың тиімді шараларының бірі ретінде ауылшаруашылық тауар өндірушілеріне жеңілдетілген несиелер бөлінеді. Бұл өз өнімдерін белгіленген бағамен сату үшін қажет. “Келісімді механизм” шеңберінде қала бюджетінен 13 миллиард теңге бөлінді. Сондай-ақ, 27 мың тоннаға жуық азық-түлік қоры қалыптасты. Бұл – 17 мың тонна көкөніс және 10 мың тонна азық-түлік өнімдері", - деді Мақсат Жанабаев.
Оның айтуынша, халықты арзан нанмен қамтамасыз ету мақсатында, "Азық-түлік келісімшарт корпорациясы" 5,8 мың тонна астықты 90 мың теңге бағасымен, нарықтық бағасы 200 мың теңгемен жеткізуге қосымша келісімшарттар жасады.
Сонымен қатар, баяндамашы баға тізбектерінің делдалдық схемаларын тергеу жөніндегі аймақтық комиссияның отырыстары тұрақты түрде өткізіліп жатқанын атап өтті. Барлығы 88 кездесу өткізілді, оның 16-сы көшпелі және біреуі бизнес өкілдерінің қатысуымен кеңейтілді.
