Астанада ерлі-зайыпты блогерлер Ерболат Жанабылов пен Эльмира Төлегенова қатысты сот үкімі шықты, деп хабарлайды inbusiness.kz сайты.
Ерболат Жанабыловқа мүлкі тәркілене отырып, 2 жыл мерзімге бас бостандығынан айыру жазасы тағайындалды. Қылмыстық кодекстің 63-бабы 1-бөлігіне сәйкес, оған тағайындалған бас бостандығынан айыру жазасы шартты деп есептеліп, пробациялық бақылау белгіленді. Оның жұбайы Эльмира Төлегенова 2 жылға бас бостандығынан айырылды. Кішкентай балаларының болуына байланысты үкімнің орындалуы 2 жылға кейінге шегеріліп, жазасын қауіпсіздігі төмен мекемеде өтейді.
Бұған дейін прокурор Ерболат Жанабылов пен Эльмира Төлегенованы 4 жылға бас бостандығынан айыруды сұраған болатын. Бүгінгі сот отырысында мемлекеттік айыптаушы сұраған жаза мерзімін жұмсартты. Айыпталушылар 247 млн теңге көлемінде келтірілген мүліктік шығынды өтегені белгілі болды.
