Дүйсенбіде Германия өкілдіктерінің кейбір қызметкерлері Ресейден кетті, деп хабарлайды inbusiness.kz ГФР СІМ хабарламасына сілтеме жасап.
"Соңғы апталарда ГФР үкіметі Германияда Ресейдің арнайы қызметтерінің санын азайту мақсатында Ресей тарапымен байланыс орнатты", - делінген хабарламада.
Нәтижесінде ресейлік өкілдіктердің кейбір қызметкерлері Германиядан айдың ортасында кетті. "Олардың қызметі дипломатиялық мәртебеге сәйкес келмеді", — дейді Германия тарапының баспасөз қызметі.
"Кейін Ресей үкіметі Германиядан қанша ресейлік қызметкер шығарылса, сонша неміс өкілдіктерінің қызметкерлерінен елден кетуін сұрады. Олар 1 мамырда Ресейден кетті", - деп атап өтті СІМ.
Сәуір айының соңында Ресей СІМ-нің ресми өкілі Мария Захарова "Звезда" телеарнасының эфирінде Берлиннің әрекеттеріне жауап ретінде Мәскеуден 20-дан астам неміс дипломаттары шығарылатынын айтты.
Өз кезегінде, Bild газеті дереккөздерге сілтеме жасай отырып, онда жұмыс істейтін 90-ға жуық неміс дипломаттарының 34-і Ресейден кетуге мәжбүр екені хабарланды.
