Иран-АҚШ келіссөздеріне делдал болып жүрген Оман Сыртқы істер министрі Бадр әл-Бусаиди жексенбі күні Маскатта өтуі жоспарланған келіссөз өтпейтінін растады.
"Дипломатия мен диалог ұзақ уақытқа созылған бейбітшіліктің жалғыз жолы болып қала береді, - деп атап өтті министр Х желісіндегі жазбасында.
Бұған дейін Иран Сыртқы істер министрі Аббас Аракчи Израильмен әскери қақтығыс жағдайында АҚШ-пен келіссөздерді аяқтау мүмкін емес деп мәлімдеген еді. Ал АҚШ әкімшілігінің жоғары лауазымды өкілі BBC тілшісі Том Бейтманға Иран-АҚШ жанама келіссөздерінің кезекті раундының тоқтатылуы туралы түсініктеме берген.
"Жексенбі күні кездесу болмайтынына қарамастан біз келіссөздерге берікпіз және ирандықтар жақын арада келіссөз үстеліне оралады деп үміттенеміз", - деді ол.
Көп ұзамай Франция президенті Эмманюэль Макрон Иран президенті Масуд Пезешкианмен телефон арқылы сөйлескені, ирандық тарап Израиль шабуылы тоқтамайынша ядролық келісім жалғаспайтынын айтқаны мәлім болды.
