Бұл туралы Халықаралық қаржылық кеңесшілер қауымдастығы мәлімдеді.
Өтініш берудің алғашқы кезеңі наурыздың 2-сіне дейін жалғасады. Айта кету керек, шамамен 1 миллион 400 мың теңгені әлеуметтік осал топтағы азаматтар ала алады. Еңбек министрлігінің айтуынша, 400 АЕК көлеміндегі мемлекеттік грант бұл жаңа бизнесті ашу және дамыту үшін қайтарымсыз негізде берілетін бастапқы капитал. Биыл 9 мың грант беру жоспарланған. Ол 4 кезең бойынша жүзеге асырылады. Өтінімді Business.enbek.kz порталында қалдыруға болады. Бұл ретте тәуелсіз сарапшы 9 мың грант аз дейді.
"Мемлекеттің жалпы санын алған кезде, бұл грантқа мұқтаж адамдарды есептеген кезде бұл аз болуы мүмкін. Бірақ, шынымен мұқтаж адамдар бұл грантты алып, ісін бастап кетсе титтейде болса, мемлекеттен көмек болады", дейді Тәуелсіз сарапшы Гүлшырын Серікқызы.
