Қазақстан Республикасы Төтенше жағдайлар министрлігінде бейнеконференция форматында Қазақстан Республикасы ТЖМ Өнеркәсіптік қауіпсіздік комитеті мен Беларусь Республикасы ТЖМ мемлекеттік қадағалау өкілдерінің қатысуымен жұмыс кездесуі өтті, деп хаьбарлайды inbusiness.kz cайты.
Кездесу 2026-2027 жылдарға арналған бірлескен іс-шаралар жоспарын іске асыру шеңберінде өтті және өнеркәсіптік қауіпсіздік саласындағы екіжақты ынтымақтастықты дамытуға бағытталды.
Тараптар тәуекелге бағдарланған тәсілді қолдануды және бұзушылықтарға ден қою шараларын қоса алғанда, мемлекеттік реттеу модельдері мен мемлекеттік бақылау мен қадағалауды ұйымдастыру тәсілдерін талқылады.
Артық қысыммен жұмыс істейтін жабдықты қауіпсіз пайдалану талаптарын сақтау мәселелеріне ерекше назар аударылды (КО ТР 032/2013). Сәйкестікті растаудың, техникалық куәландырудың және жабдықтың техникалық жай-күйін бағалаудың практикалық аспектілері қарастырылды.
