Қазақстан экономикасының өсу қарқыны биыл төртінші ай қатарынан жеделдеп келеді, деп хабарлайды inbusiness.kz сайты.
Бұл көрсеткіш бірінші тоқсанмен салыстырғанда жоғары. Қаңтар-наурыз қорытындысында ЖІӨ өсімі 3% болған.
Төрт айдың қорытындысы бойынша өнеркәсіп өндірісі де оң динамика көрсетті. Нақты көлем индексі 102,1%-ды құрады. Ал бірінші тоқсанда өндіріс көлемінің төмендеуі байқалған еді.
Экономикадағы өсімге ең алдымен өңдеу өнеркәсібі әсер еткен. Сектордағы өндіріс көлемі 9,9%-ға дейін өсіп, бірінші тоқсандағы 8,5% көрсеткіштен жоғарылады.
Әсіресе машина жасау саласында жоғары өсім сақталып отыр. Бұл бағыттағы өндіріс 23,3%-ға артқан. Өсімге көлік құралдары, ауыл шаруашылығы техникасы, теміржол жабдықтары мен электр тауарларын шығару көлемінің көбеюі ықпал еткен.
Сонымен қатар:
- жеңіл өнеркәсіп өндірісі 2,3 есе,
- жиһаз өндірісі 41,7%,
- фармацевтика 35,2%,
- құрылыс материалдары 27,7%,
- химия өнеркәсібі 18,4%,
- азық-түлік өндірісі 14,4% өскен.
Ал тау-кен өнеркәсібінде төмендеу сақталғанымен, оның қарқыны баяулаған. Егер бірінші тоқсанда көрсеткіш 88,6% болса, төрт ай қорытындысында 92,7%-ға жеткен.
ҰСБ мәліметінше, биыл ең жоғары өсім құрылыс, көлік, өңдеу өнеркәсібі мен сауда салаларында тіркелген.
