Министрлік өкілі студент жатақханаларындағы суицид жағдайларын БАҚ жұмысымен байланыстырды

157

Ғылым және жоғары білім министрлігі Жоғары және жоғары оқу орыннан кейінгі білім комитеті төрағасының міндетін атқарушы Ақерке Абылайхан студент жатақханаларында жиілеп кеткен суицид оқиғаларына БАҚ-тағы жарияланымдардың әсері болуы мүмкін екенін айтты. 

Министрлік өкілі студент жатақханаларындағы суицид жағдайларын БАҚ жұмысымен байланыстырды Фото: gov.kz

– Соңғы уақытта суицид деректерінің сценарийі бірдей болып кетті. Көбінде оқиға құлап қаза болумен аяқталады. Бұқаралық ақпарат құралдарына өтінішім: "Вертер эффектісі" деген теория бар, соны оқып көріңіздерші. Кейде біз өзіміз байқамай, жастарға "Міне, осылай жасауға болады" дегендей әсер қалдырамыз. Сондықтан мұндай жағдайлар туралы жазғанда оқиғаның егжей-тегжейін ашып көрсетпеу дұрыс болар. Өйткені қиындыққа тап болған отбасылар да жеке деректердің жария болмауын сұрайды, – деді ол журналистердің сауалына жауап беріп.

Оның айтуынша, бұл мәселемен құқық қорғау органдары да айналысып жатыр.

– Соңғы үш деректің бәрінде оқиға бір сценариймен өрбіген – бәрі құлап қаза болған. Ғылыми тілде бұл "Вертер эффектісі" деп аталады, – деді Ақерке Абылайхан.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу