АҚШ-тың Иллинойс соты бұрынғы президент Дональд Трампқа осы штаттағы праймеризге қатысуға тыйым салды, деп хабарлайды inbusiness.kz сайты.
Судья Трэйси Портер бұрынғы президенттің "бүлікке қатысы болғандықтан мемлекеттік қызметке отыру құқығынан айырылғанын" алға тартып, Трампты сайлау бюллетенінен алып тастау туралы шешім шығарды. Судья Трампқа шешімді апелляцияға беруіне уақыт беріп, оны орындау мерзімін бірнеше күнге шегерді. Иллинойста праймериз 19 наурызда өтеді.
Трамптың өкілі судьяны "саяси немқұрайлығы үшін" айыптап, оның шешімі өзге штаттардағы сот және сайлау комиссияларының шешіміне қайшы келетінін айтты. Ол шешімді апелляцияға беретінін жеткізді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
