Астана тұрғыны әуе кемесінің бортында полиция қызметкерін көпшілік алдында қорлағаны үшін қылмыстық жауапкершілікке тартылды, деп жазады inbusiness.kz сайты.
Оқиға биылғы наурыз айында болған. Мас күйде болған жолаушы әйел полиция қызметкерлерінің заңды талаптарына бағынбай, қызметтік міндетін атқарып жүрген тәртіп сақшысын балағаттаған.
Көлік прокуратурасы мемлекеттік айыптауды қолдаған іс бойынша сот әйелді кінәлі деп танып, оған айыппұл тағайындады.
Прокуратура билік өкілін қорлағаны және полиция қызметкерлерінің заңды талаптарына бағынбағаны үшін заңда жауапкершілік қарастырылғанын еске салды.
Сот үкімі заңды күшіне енді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
