2026-2027 жылғы АФК Чемпиондар лигасы Elite турнирінің негізгі кезеңіне жеребе тартылып, Өзбекстанның "Пахтакор" және "Нефтчи" клубтарының қарсыластары анықталды, деп хабарлайды inbusiness.kz сайты.
Жеребенің басты жаңалықтарының бірі – Криштиану Роналду өнер көрсететін "Әл-Насрдың" Ташкентке сапары. Сауд Арабиясының клубы "Пахтакормен" сырт алаңда кездеседі.
Осылайша, бес дүркін "Алтын доп" иегері Роналду Өзбекстан астанасында алғаш рет ресми клубтық матч өткізуі мүмкін.
"Пахтакор" өз алаңында "Аль-Насрдан" бөлек, Иранның "Эстегляль" және "Трактор", сондай-ақ Сауд Арабиясының "Әл-Кадисия" клубтарын қабылдайды. Ал сырт алаңда "Әл-Ахли", "Эйр Форс", "Әл-Хиляль" және "Әл-Иттихадпен" кездеседі.
Өзбекстанның тағы бір өкілі "Нефтчи" өз алаңында "Әл-Ахли", "Эйр Форс", "Әл-Хиляль" және "Әл-Иттихадпен" ойнайды. Ферғаналық клуб сырт алаңда "Эстегляль", "Әл-Наср", "Трактор" және "Әл-Кадисияға" қарсы шығады.
Матчтардың нақты күні мен басталу уақыты кейін жарияланады.
