Арыста бір күнде 80 үй жөнделді

732

12 шілдедегі жағдай бойынша, 754 үйде жөндеу жұмыстары аяқталды, бір күн бұрын 674 үй еді. 

Арыста бір күнде 80 үй жөнделді

2019 жылғы 12 шілдедегі жағдай бойынша Түркістан облысы Арыс қаласында 754 үйде (бір күн бұрын 674 үй) жөндеу жұмыстары аяқталды. Барлығы 17 секторда 191 құрылыс компаниясы еңбек етеді. Бұл туралы ҚР ИИДМ баспасөз қызметі хабарлады.

"Құрылыс және ТКШ істері комитетінің мәліметтері бойынша,  5144 құрылысшы мен 223 арнайы техника ЖТҚ және КПТҮ-дің 3232 нысандарында (бір күн бұрын 2989 нысанда) жұмыс істейді. Осылайша, күн сайын құрылысшылар қалпына келтіруді қажет ететін 200-ден астам үйді жөндеу жұмыстарымен қамтуда",– делінген хабарламада.   

Тағы 1,5 мың құрылысшы "Самұрық – Қазына" АҚ қаражаты есебінен 62 әлеуметтік нысанды (53 білім беру нысаны, 6 Денсаулық сақтау нысаны және 3 спорт нысаны) қалпына келтіреді. Естеріңізге сала кетейік, кеше Арыс қаласына ҚР премьер-министрі Асқар Мамин жұмыс сапарымен барды. ҚР ИИДМ вице-министрі Қайырбек Өскенбаев қаланың қалпына келтіру қарқыны туралы баяндады. Оның айтуынша, жақын аптада 600-700 жұмысшы жұмылдырылады. Барлық бүлінген және бұзылған объектілер 2019 жылдың 1 тамызына дейін тапсырылуға тиіс.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу