Еліміздің 2030 жылға дейінгі көлік-логистикалық әлеуетінің жаңа тұжырымдамасы әзірленеді

Үкіметтің тиісті қаулысын Индустрия және инфрақұрылымдық даму министрлігі қоғамдық талқылауға шығарды.   

Еліміздің 2030 жылға дейінгі көлік-логистикалық әлеуетінің жаңа тұжырымдамасы әзірленеді Фото: Егемен Қазақстан

Қаулы жобасына сәйкес, "Нұрлы жол" мемлекеттік инфрақұрылымын дамытудың 2020-2025 жылдарға арналған бағдарламасын бекіту туралы" Қазақстан Республикасы Үкіметінің 2019 жылғы 31 желтоқсандағы N1055 қаулысының күші жойылды деп тану ұсынылған.

Айта кетерлігі, "Нұрлы жол" бағдарламасының 2020-2025 жылдарға арналған аралық нысаналы индикаторлары толық жүзеге асырылған жоқ.

Сонымен, Ұлттық статистика бюросының мәліметіне сүйенсек, мемлекеттік бағдарлама аясында "Көлік және қойма шаруашылығы" саласы бойынша еңбек өнімділігі 2021 жылы 26,7%-ға өсу керек еді, бірақ іс жүзінде 0,3%-ға төмендеді. 

"Көлік және қойма шаруашылығы" саласына салынған инвестиция 2016 жылдың деңгейімен салыстырғанда 2021 жылы 162,9%-ды құрауы керек еді, бірақ іс жүзінде 109,3%-ды құрады.

 

 

Telegram
ПОДПИСЫВАЙТЕСЬ НА НАС В TELEGRAM Узнавайте о новостях первыми
Подписаться