Одан өзінің отбасы мүшелері, туыстары мен достары зардап шеккен, деп жазады inbusiness.kz polisia.kz сайтына сілтеме жасап.
Қылмыстық іс материалдарына сүйенсек, 2021 жылы бұл азамат өзінің жақын адамдарына ақша қаражатын инвестиция ретінде салуды ұсынған. Салымшыларға аталған сомалар пайыздық арақатынаста артады деп уәде етілді. Алданғандардың арасында ұсталған азаматтың жұбайы, оның ата-анасы, жақын достары, сыныптастары мен таныстары болды. Қысқа уақыт ішінде алаяқ 67 миллион 229 мың теңгеге 9 адамды алдаған. Ақшаны өз қалауы бойынша жұмсаған.
Полицияға арыздар келіп түскеннен кейін, 2022 жылы алаяқтық фактілері бойынша сотқа дейінгі тергеу басталды, алайда 27 жастағы күдікті қашып кетті. Сол жылдың шілдесінде ер адам мемлекетаралық іздестіруге жарияланды.
31 қаңтарда Көкшетау қаласында полиция қызметкерлері Ақмола облыстық прокуратурасын үйлестіру кезінде бірлескен жедел-іздестіру іс-шараларының нәтижесінде қылмыскерді ұстады. Ол уақытша ұстау изоляторына қамауға алынды. Тергеу жалғасып жатыр.
