Төтенше жағдай министрі Шыңғыс Әрінов Орталық коммуникациялар қызметінде өткен брифингте Алматыдағы лай көшкініне байланысты пікір білдірді, деп хабарлайды inbusiness.kz сайты.
Тілшілер спикерден "Лай көшкіні болған Тау-Самалы шағын ауданында қандай жұмыстар жүргізіліп жатыр?" деп сұрады.
"Әкімдік тарапынан авариялық-құтқару жұмыстары жалғасып жатыр. Бүгінде жақын маңдағы үйлердің тұрғындарына лай көшкінінің қайталану қаупі жоқ. Біз құбырдың жарылуы сияқты алдын-ала факторларды зерттедік. Мамандар бұл нұсқаларды пысықтады. Комиссия оқиғаның себебін анықтау бойынша жұмысты аяқталғаннан кейін өз қорытындыларын береді. Мұның (ред. – лай көшкіні) бәрі құбырдың бұзылуына байланысты болды деп ойлап отырмыз", - деді ведомство басшысы.
Еске салайық, осыған дейін Алматы қаласының Төтенше жағдайлар департаменті болған оқиғаның алдын ала себебін айтқанын жазған болатынбыз.
