Павлодар станциясындағы желілік полиция бөлімінің қызметкерлері жедел-іздестіру іс-шараларын жүргізу барысында Ақсу қаласының төрт тұрғынын анықтап, ұстады. Қылмыстық топ алдын ала сөз байласу арқылы Ақсу-1 станциясындағы жүк вагондарынан ферроқорытпа өнімдерін бірнеше рет ұрлаған.
Қылмыс жасалған кезде олардың екеуі теміржол ұйымының қызметкерлері болған. Қасақана жасалған қылмыстық әрекеттер салдарынан “ҚАЗХРОМ” ТҰК” АҚ филиалының Ақсу ферроқорытпа зауытына 5 млн теңгеден астам сомаға материалдық залал келтірілген.
Аталған дерекке қатысты көлік полицейлері ҚР ҚК-нің 188-бабы 3-бөлігі 3-тармағымен (Тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотқа дейінгі тергеу жүргізді. Павлодар облысының Ақсу қалалық соты аталған топ мүшелерін кінәлі деп танып, мүлкі тәркіленіп, 4 жыл 6 ай мерзімге бас бостандығын шектеуге үкім шығарды.
